„ერისთავის თეატრის სახელით გილოცავთ მსოფლიო თეატრის დღეს და მადლობას გიხდით ჩვენთან ერთად გატარებული დროისთვის. მინდა გითხრათ, რომ ეს დღე ჩვენთვის ძალიან მნიშვნელოვანი თარიღია, რომელსაც ყოველთვის რიგი ღონისძიებებით აღვნიშნავდით, თუმცა, მსოფლიოში გავრცელებული ვირუსული ინფექციის გამო, მოწოდება - ,,იარე თეატრში“, ახალი სლოგანით ჩავანაცვლეთ- ,,დარჩი სახლში“. ვიდრე სპექტაკლების ჩვენებას შევწყვეტდით, სამ საპრემიერო სცენარზე ვმუშაობდით. „იესოს საქმე“, „ვაჟიშვილი“ და „მოთამაშეები“ - ასე რომ, დარჩით სახლში, რათა მალე ისევ შევხვდეთ თეატრში“ - აღნიშნა GMnews-თან გ. ერისთავის სახელობის დრამატული თეატრის სამხატვრო ხელმძღვანელმა დავით ჩხარტიშვილმა.