4 აპრილი მიუსაფარ ცხოველთა დაცვის საერთაშორისო დღეა.

თარიღთან დაკავშირებით, შინაური მიუსაფარი ცხოველების შიდა ქართლის ინტერმუნიციპალური სააგენტოში ლეკვების გაჩუქების აქცია მოეწყობა.

როგორც სააგენტოში აცხადებენ, ღონისძიება 11:00 საათიდან დაიწყება და 16:00 საათამდე გაგრძელდება. მსურველებს შესაძლებლობა ექნებათ, ცხოვლებთან დაკავშირებით სხვადასხვა აქტივობაში ჩაერთნონ.

„ეს დღე მიუსაფარი, ქუჩის ცხოველების თანაგრძნობის, მზრუნველობისა და დახმარების დღეა. შინაური მიუსაფარი ცხოველების შიდა ქართლის ინტერმუნიციპალური სააგენტო ცხოველების მოყვარულ საზოგადოებას სააგენტოში ვეპატიჟებით, სადაც მოეწყობა ლეკვების გაჩუქების აქცია. მსურველებს ეს დღე სააგენტოს ბინადრებთან ერთად შეუძლიათ გაატარონ. ამასთან, მოგმართავთ თხოვნით, მიუსაფარი ცხოველებისადმი გამოიჩინოთ ჰუმანური დამოკიდებულება, იზრუნოთ მათზე, მისცეთ თავშესაფარი და შეძლებისდაგვარად დაეხმაროთ“, - ნათქვამია სააგენტოს მიერ გავრცელებულ ინფორმაციაში.

ცნობითვის, ყოველწლიურად, უპატრონო ცხოველთა საერთაშორისო დღე 2011 წლის 4 აპრილიდან აღინიშნება.