შოთა ჩოჩიშვილის სახელობის გორის კომპლექსური სპორტული სკოლის ხელბურთელთა გუნდმა - „გორი“ საქართველოს ჩემპიონატის ფინალურ ეტაპზე ასპარეზობის უფლება მოიპოვა.

გორის მუნიციპალიტეტის სპორტის განვითარებისა და ხელშეწყობის სააგენტოს ინფორმაციით, „გორს“, ჩემპიონატის ფარგლებში, ერთი თამაში კიდევ ჩასატარებელი აქვს.

ამჯერად, გორელმა ხელბურთელებმა „ქუთაისს“ სოლიდური სხვაობით - 52:26 სძლიეს.

ლაშა შემშენოვის და გია მამაცაშვილის ხელმძღვანელობით შეხვედრაზე გუნდი შემდეგი შემადგენლობით ასპარეზობდა: პაატა ჯობნიაშვილი (12 გოლი), გიორგი საათაშვილი (10 გოლი), დავით ყურელი (7 გოლი), ლაშა ჭიქინაშვილი (7 გოლი), გიორგი ბიჩინაშვილი (5 გოლი), ლუკა ნატროშვილი (4 გოლი), ნიკა კაპანაძე (2 გოლი), რეზი ბრეგვაძე (2 გოლი), ამირან ბადაშვილი (2 გოლი), საბა გიუნაშვილი (1 გოლი), ნიკო ჭიქინაშვილი, ლუკა ჩილაშვილი და თამაზ მღებრიშვილი (ორივე - მეკარე).

შეგახსენებთ, გასული დღეების განმავლობაში, „გორმა“ წყალტუბოს „პრომეთე“ და ბათუმის „ბსბ“ დაამარცხა.