სპორტი
02.04.2025 16:19
სასკოლო-სპორტული ოლიმპიადის ფარგლებში, ზონალურ ეტაპზე გეზრბენში შიდა ქართლიდან ხაშურის მუნიციპალიტეტის გუნდები იასპარეზებენ
საქართველოს სასკოლო-სპორტული ოლიმპიადის ფარგლებში, გორმა გეზრბენში რეგიონულ პირველობას უმასპინძლა.
ღონისძიება გორის მუნიციპალიტეტის მერიის სპორტის განყოფილების ორგანიზებით ჩატარდა. შეჯიბრში 2008-2010 წწ. დაბადებული გოგონები და ვაჟები მონაწილეობდნენ.
ადგილობრივი თვითმმართველობის ცნობით, ზონალურ ეტაპზე ხაშურის მუნიციპალიტეტის სოფელ ოსიაურის (გოგონები) და დაბა სურამის №1 საჯარო სკოლის (ვაჟები) გუნდები იასპარეზებენ.
„სასკოლო-სპორტული ოლიმპიადის ფარგლებში, სპორტის შვიდ სახეობაში მიმდინარეობს შეჯიბრებები. გეზრბენში რეგიონულ პირველობაზე კასპის, გორის, ქარელის და ხაშურის მუნიციპალურ შეხვედრებში გამარჯვებული გუნდები მონაწილეობდნენ. გამარჯვებულები ზონალურ ეტაპზე იასპარეზებენ, გამარჯვების შემთხვევაში კი საუკეთესოს ტიტულის მოსაპოვებლად ფინალურ შეჯიბრებში იბრძოლებენ“, - აცხადებენ გორის მერიაში.
