ოცი მედლით დაასრულეს გორელმა სპორტსმენებმა შალვა ბაგაურის ხსოვნის მემორიალური ტურნირი თავისუფალ ჭიდაობაში.

გორის მუნიციპალიტეტის სპორტის განვითარებისა და ხელშეწყობის სააგენტოს ინფორმაციით, მოპოვებული მედლებიდან თექვსმეტი - ნუგზარ სხირელის სახელობის გორის ჭიდაობის სკოლის, ხოლო ოთხი შოთა ჩოჩიშვილის სახელობის გორის კომპელქსური სპორტული სკოლის სპორტსმენების ანგარიშზეა.

ტურნირი პირველი ადგილით დანიელ გალეგაშვილმა (23 კგ.), დაჩი კარელიძემ (26 კგ.), ანდრია გამხიტაშვილმა (29 კგ.), გიორგი ლობჟანიძემ (48 კგ.), მიხეილ მაყიშვილმა (57 კგ.) და ანდრია დოიჯაშვილმა (+68 კგ.) დაასრულეს. გამარჯვებულ სპორტსმენთაგან ყველა ნუგზარ სხირელის სახელობის გორის ჭიდაობის სკოლის წარმომადგენელია.

რაც შეეხება მეორე ადგილს, ნიკა ბერიანიძე (26 კგ.), თომა პაპიტაშვილი (29 კგ.), აივაზ ემინოვი (32 კგ.), ლექსო ნოზაძე (38 კგ.), ნიკა ტარუაშვილი (44 კგ.), ლუკა ქავთარაძე (57 კგ.), ნიკოლოზ გაგლოშვილი (35 კგ; შოთა ჩოჩიშვილის სახელობის გორის კომპელქსური სპორტული სკოლა) და დავით რაზმაძე (+65 კგ. შოთა ჩოჩიშვილის სახელობის გორის კომპელქსური სპორტული სკოლა) გავიდნენ.

ბექა ბერიანიძემ (23 კგ.), გიორგი გიგაურმა (29 კგ.), გიორგი ოქროპირიძემ (35 კგ.), საბა ვართანიანმა (62 კგ.), გაბრიელ მაისურაძემ (41 კგ; შოთა ჩოჩიშვილის სახელობის გორის კომპელქსური სპორტული სკოლა) და გიორგი სომხიშვილმა (32 კგ; შოთა ჩოჩიშვილის სახელობის გორის კომპელქსური სპორტული სკოლა) შეჯიბრი მესამე ადგილით დაასრულეს.

შალვა ბაგაურის ხსოვნის მემორიალური ტურნირი თბილისში ჩატარდა.