სპორტი
01.04.2025 14:04
სასკოლო სპორტული ოლიმპიადის ფარგლებში, გორმა ხელბურთსა და ფრენბურთში რეგიონულ შეჯიბრებებს უმასპინძლა
სასკოლო სპორტული ოლიმპიადის ფარგლებში, გორში ხელბურთსა და ფრენბურთში რეგიონული შეჯიბრებები ჩატარდა.
შეჯიბრში როგორც გოგონების, ასევე, ვაჟების გუნდები მონაწილეობდნენ.
შიდა ქართლიდან ოლიმპიადის ზონალურ ეტაპზე ხელბურთში ღირსი მამა გიორგი მთაწმინდელის გორის სკოლა-გიმნაზიის (გოგონები) და გორის №1 საჯარო სკოლის (ვაჟები), ფრენბურთში კი ქარელის მუნიციპალიტეტის სოფელ ქვენატკოცის (გოგონები) და გორის №1 საჯარო სკოლის (ვაჟები) გუნდები იასპარეზებენ.
ზონალურ ეტაპზე გამარჯვების შემთხვევაში, გუნდები ფინალურ შეჯიბრებში მიიღებენ მონაწილეობას, სადაც ყველა დისციპლინაში ქვეყნის მასშტაბით საუკეთესოები გამოვლინდებიან.
შეგახსენებთ, სასკოლო სპორტული ოლიმპიადის ფარგლებში, სპორტის შვიდ სახეობაში მიმდინარეობს ასპარეზობები.
