მეთხილე ფერმერებმა, სახელმწიფო პროგრამაში მონაწილეობის მისაღებად, თხილის კადასტრში ბაღების რეგისტრაცია 2025 წლის 30 აპრილის ჩათვლით უნდა მოახდინონ.

როგორც სოფლის განვითარების სააგენტოში აცხადებენ, თხილის კადასტრში თხილის ბაღების რეგისტრაციის პროცედურის გავლა აუცილებელია მაშინაც კი, თუ გასულ წელს მონაწილეს უკვე დარეგისტრირებული აქვს თხილის ბაღი.

სუბსიდიის მისაღებად, საქართველოს მოქალაქე ფიზიკურ პირს საკუთრებაში ან/და ფაქტობრივ მფლობელობაში უნდა გააჩნდეს თხილის ბაღი, ჯამურად, არანაკლებ 0.2 და არაუმეტეს 3 ჰექტარი.

სუბსიდიის მოცულობა 1 ჰექტარ თხილის ბაღზე გადაანგარიშებით 500 ლარით განისაზღვრება.

პროგრამაში ჩართულ პირებზე სუბსიდია გაიცემა ლიბერთი ბანკის აგრობარათზე შესაბამისი ქულების დარიცხვით. ქულების დარიცხვა მიმდინარე წლის აპრილიდან ეტაპობრივად დაიწყება. სპეციალიზებულ აგრო მაღაზიებში დარიცხული ქულების გამოყენების ბოლო ვადა კი 2025 წლის 31 აგვისტოა.