2010-2011 წწ. დაბადებულებს შორის მიმდინარე საქართველოს ჩემპიონატზე გორის ხელბურთელთა გუნდმა წყალტუბოს „პრომეთე“ 29:28 დაამარცხა.

გორის მუნიციპალიტეტის სპორტის განვითარებისა და ხელშეწყობის სააგენტოს ინფორმაციით, მოპოვებული გამარჯვებით, გორელებმა პლეი-ოფში გამსვლელ პირველ ექვსეულში კიდევ უფრო გაიმყარეს ადგილი. რეგულარული ჩემპიონატის დასრულებამდე კი სამი მატჩია დარჩენილი.

შოთა ჩოჩიშვილის სახელობის გორის კომპლექსური სპორტული სკოლის ხელბურთელთა გუნდი წყალტუბოს „პრომეთეს“ შემდეგი შემადგენლობით დაუპირისპირდა: ლუკა ჩილაშვილი, თამაზ მღებრიშვილი, ნიკა კაპანაძე, პაატა ჯობინაშვილი, დავით ყურელი, გიორგი საათაშვილი, ლუკა ნატროშვილი, რეზი ბრეგვაძე, ლაშა ჭიქინაშვილი, ნიკო ჭიქინაშვილი, გიორგი ბიჩინაშვილი, ამირან ბადაშვილი, საბა გიუნაშვილი და თორნიკე ამესაშვილი.

ხელბურთელთა მწვრთნელები ლაშა შემშენოვი და გია მამაცაშვილი არიან.