კარატეში გამართულ ზურაბ ლეჟავას სახელობის საიუბილეო 30-ე საერთაშორისო ტურნირზე - „Open Kutaisi“ გორელებმა მეორე და მესამე ადგილები დაიკავეს.

ნინო ტერაშვილი (40 კგ.) 10-11 წწ. ასაკობრივ კატეგორიაში მეორე ადგილზე გავიდა. რაც შეეხება ლიზი ბლიაძეს (47 კგ.), 13-14 წლიანებში ასპარეზობდა და მესამე ადგილს დაეუფლა.

საპრიზო ადგილებზე გასული ორივე სპორტსმენი შოთა ჩოჩიშვილის სახელობის გორის კომპლექსური სპორტული სკოლის წარმომადგენელია.

ზურაბ ლეჟავას სახელობის საერთაშორისო ტურნირი ქუთაისში ჩატარდა. შეჯიბრში 500-ზე მეტი სპორტსმენი ასპარეზობდა.