სსიპ გორის მუნიციპალიტეტის სოფელ ხურვალეთის საჯარო სკოლა სახვითი და გამოყენებითი ხელოვნების პედაგოგის ვაკანსიას აცხადებს.

ვაკანტური პოზიცია კვირაში 11-საათიან სამუშაო გრაფიკს გულისხმობს და მეცადინეობის ჩატარებას I, II, III, IV, VIII, IX კლასების მოსწავლეებისთვის ითვალისწინებს.

კანდიდატები უნდა აკმაყოფილებდნენ მასწავლებლის პროფესიული სტანდარტით დადგენილ მოთხოვნებს. რაც შეეხება სავარუდო ხელფასს, თვეში 1056-1205 ლარით განისაზღვრება. მსურველებს გამოხმაურების ვადა 30 მარტს ეწურებათ, შრომითი ხელშეკრულების გაფორმების თარიღად კი, 7 აპრილია მითითებული.

მასწავლებლობის/მაძიებლობის მსურველმა განაცხადი უნდა გაგზავნოს შემდეგ ელექტრონულ მისამართზე: www. pedagogi. ge (teacherjobs. ge) და მასწავლებლობის მსურველად დარეგისტრირდეს.