ახალგაზრდობის სააგენტომ კიდევ ერთი საგრანტო კონკურსი - „ახალგაზრდული ინიციატივების მხარდაჭერა“, გამოაცხადა.

როგორც სააგენტოში აცადებენ, საგრანტო კონკურსის მიზანია საინიციატივო ჯგუფების გაძლიერება იმ პროექტების განსახორციელებლად, რომლებიც არაფორმალური განათლების განვითარებას, საზოგადოებრივ და დემოკრატიულ პროცესებში ახალგაზრდების მონაწილეობის ხელშეწყობას, ასევე, ახალგაზრდების შესაძლებლობების განვითარებას და მათი დასაქმების ხელშეწყობას ემსახურება.

რაც შეეხება კონკურსში მონაწილეობას, საგრანტო პროექტის წარდგენის უფლება აქვს რეგიონში მცხოვრებ: არასამეწარმეო იურიდიულ პირს - ახალგაზრდულ ორგანიზაციას; ფიზიკურ პირს, რომელიც საგრანტო პროექტის განხორციელების მიზნით, საინიციატივო ჯგუფში აერთიანებს რეგიონში მცხოვრებ არანაკლებ ხუთ ახალგაზრდას.

„კონკურსში მონაწილეობისთვის საკონკურსო განაცხადების მიიღება 8 აპრილის ჩათვლით, ელექტრონულ ფოსტაზე - grants-2@ youthagency. gov. ge-ზეა შესაძლებელი.

კონკურსის საერთო ბიუჯეტი 255 000 ლარია. ერთი საგრანტო პროექტის მაქსიმალური დაფინანსება კი 15 000 ლარს შეადგენს“, - აცხადებენ სააგენტოში.

დაინტერესებულ პირებს საგრანტო კონკურსში მონაწილეობისთვის დეტალური ინფორმაციის ნახვა ახალგაზრდობის სააგენტოს ოფიციალურ ფეისბუქგვერდზე შეუძლიათ.