„თოჯინების სამყარო” - მეთოჯინეთა საერთაშორისო დღესთან დაკავშირებით, გორში ლალი ყაზიშვილის ნამუშევრების გამოფენა ჩატარდება.

ღონისძიების ფარგლებში, მხატვარი და მეთოჯინე მასტერკლასსაც ჩაატარებს.

გამოფენა ხვალ, 27 მარტს, 14:00 საათზე მოეწყობა. აქტივობა გორის ახალგაზრდულ ბიბლიოთეკაში (ცხინვალის №21/ა) გაიმართება.

ცნობისთვის, მეთოჯინეთა საერთაშორისო დღის აღნიშვნის იდეა ირანელ მეთოჯინე ჟივიდა ზოლფაღარის ეკუთვნის. მან ეს წინადადება მეთოჯინეების საერთაშორისო გაერთიანების (UNIMA) მე-18 კონგრესზე განსახილველად 2000 წელს შეიტანა და მეთოჯინეთა საერთაშორისო დღე პირველად 2003 წელს აღინიშნა.