საგაზაფხულო სამუშაოების დაწყებასთან დაკავშირებით, პესტიციდების და აგროქიმიკატების სარეალიზაციო ობიექტების კონტროლი გააქტიურდა, - ინფორმაციას აღნიშნულის შესახებ სურსათის ეროვნული სააგენტო ავრცელებს.

სააგენტოც ინფორმაციით, სახელმწიფო კონტროლის პროგრამის ფარგლებში, ქვეყნის მასშტაბით რეგისტრირებული 600-მდე ობიექტის შემოწმებაა დაგეგმილი. პრეპარატების ხარისხის დადგენის მიზნით, მიმდინარეობს ნიმუშების აღება. შემოწმების დროს განსაკუთრებული ყურადღება ექცევა სასოფლო-სამეურნეო პრეპარატების წარმოების, დაფასოების, მარკირების, შეფუთვის, შენახვის და რეალიზაციის პირობებს.

„გააქტიურებული კონტროლის მიზანია უხარისხო სასოფლო-სამეურნეო დანიშნულების მცენარეთა დაცვის საშუალებების რეალიზაციის აღკვეთა. ამავდროულად, მაღალი ხარისხის მოსავლის მისაღებად, მნიშვნელოვანია ფერმერებმა დროულად ჩაატარონ აგროსამუშაოები, სწორად შეარჩიონ პრეპარატი და დაიცვან მისი გამოყენების დოზა და ვადები“, - აცხადებენ სურსათის ეროვნულ სააგენტოში.

ცნობისთვის, გასულ წელს შემოწმებული 720 ობიექტიდან, 600-მდე გაიზარდა გამოსაკვლევი ნიმუშების რაოდენობა და დაჯარიმდა 123 ბიზნესოპერატორი.