გაეროს გენერალური ასამბლეის გადაწყვეტილებით, 1971 წლის 21 მარტიდან, მსოფლიოს მასშტაბით ტყის საერთაშორისო დღეაღინიშნება.

თარიღის დაარსების მიზანი საზოგადოებაში ტყეების მნიშვნელობის შესახებ ცნობიერების ამაღლებაა.

სტატისტიკური მონაცემებით, ტყეები მთელი ხმელეთის 30%-ზე მეტ ნაწილს ფარავს და 60 000-ზე მეტ ხის ჯიშს აერთიანებს, რომელთაგან ბევრი სახეობა ჯერ კიდევ შესასწავლია.

ტყე ამარაგებს მსოფლიოს მოსახლეობის 1.6 მილიარდზე მეტ ადამიანს საკვებით, წყლით და მედიკამენტებით.

მიუხედავად იმისა, რომ ტყეები კრიტიკულ როლს ასრულებენ კლიმატის ცვლილებებში (გლობალური დათბობა), სტატისტიკა აჩვენებს, მსოფლიოს მასშტაბით, ყოველ წელს, 13 მილიონამდე ჰექტარი ტყე ნადგურდება.

„სახელმწიფოსთვის პრიორიტეტულია საქართველოს უნიკალური ბუნებრივი სიმდიდრის - ტყის დაცვა. შესაბამისად, მუდმივ რეჟიმში მიმდინარეობს ტყის მოვლა-აღდგენითი ღონისძიებები. გასულ წელს ტყე 1500 ჰა ფართობზე გაშენდა, 2030 წლისთვის კი - დაახლოებით 20 000 ჰა ფართობზეა დაგეგმილი“, - აცხადებენ გარემოს დაცვისა და სოფლის მეურნეობის სამინისტროში.