იაპონიაში, ქალაქ ტოკიოში გამართულ საერთაშორისო გამოფენაში „Foodex Japan 2025" ექვსმა ქართულმა კომპანიამ დამთვალიერებელს საკუთარი წარმოების აგროსასურსათო პროდუქცია გააცნო.

გარემოს დაცვისა და სოფლის მეურნეობის სამინისტროს მხარდაჭერით და სოფლის განვითარების სააგენტოს ორგანიზებით, საქართველოს სტენდზე საკუთარი პროდუქცია კომპანია „კულამაც“ წარადგინა, რომელიც წლებია გორში სხვადასხვა სასურსათო პროდუქტს ქმნის.

სოფლის განვითარების სააგენტოს ინფორმაციით, გამოფენაზე წარმოდგენილი იყო ქართული პროდუქცია: ლურჯ მოცვი, კაკალი, თაფლი, წყალი, წვენები, ჯემები და კომპოტი. ქართული სტენდის სტუმრებს საშუალება ჰქონდათ ქართული კერძებიც დაეგემოვნებინათ.

აღსანიშნავია, რომ ქართულმა კომპანიებმა გამოფენის მონაწილეების და ვიზიტორების ინტერესი დაიმსახურეს. როგორც კომპანიების წარმომადგენლებმა ააღნიშნეს, გამოფენაში მონაწილეობის შემდეგ კარგი თანამშრომლობის მოლოდინები აქვთ.

ცნობისთვის, „Foodex Japan“ აზიაში ერთ-ერთი ყველაზე დიდი საერთაშორისო გამოფენაა. მიმდინარე წელს, რიგით 50-ე საიუბილეო გამოფენას 70 000-ზე მეტი ვიზიტორი ეწვია. გამოფენაში 70 ქვეყნიდან 2900 კომპანიამ მიიღო მონაწილეობა.