გორის მუნიციპალიტეტის სოფელ სკრაში დასუფთავების აქცია მოეწყო. ადგილობრივებმა სოფელში არსებული რეკრეაციული სივრცე დაასუფთავეს.

აქციის მონაწილეების თქმით, გარემოზე ზრუნვა თითოეული მოქალაქის მოვალეობაა და მნიშვნელოვანია, რომ ყველა გავუფრთხილდეთ ბუნებას.

„მადლობა მოხალისეებს აქციაში მონაწილეობისთვის. სოფლის იერ-სახეზე ზრუნვა თითოეული ჩვენგანის მოვალეობაა. მნიშვნელოვანია, რომ არ დავანაგვიანოთ გარემო და ერთად ვიზრუნოთ სკვერის სილამაზეზე“, - აცხადებენ აქციის მონაწილეები.

შეგახსენებთ, სოფელ სკრაში რეკრეაციული სივრცე გორის მუნიციპალიტეტის სამოქალაქო ბიუჯეტის ფარგლებში გასულ წელს მოეწყო. პროექტი მოსახლეობამ თავად შეარჩია და სკვერის მოწყობაზე სამოქალაქო ბიუჯეტიდან 200 000 ლარამდე დაიხარჯა.