გორის მუნიციპალიტეტის მერია მოქალაქეებს აფრთხილებს, არ შეიძინონ ეგრეთწოდებული ერთწლიანი სამგზავრო აბონემენტი, რომელსაც თაღლითები მომხმარებელს ინტერნეტის მეშვეობით სთავაზობენ.

როგორც ადგილობრივ თვითმმართველობაში აცხადებენ, გორის მუნიციპალიტეტის ტრანსპორტის სააგენტოს, მსგავსი სერვისი არ დაუნერგავს და აღნიშნული ინფორმაცია სინამდვილეს არ შეესაბამება.

„სოციალურ ქსელ „facebook“-ის საშუალებით ვრცელდება ცრუ ინფორმაცია, თითქოს გორში საზოგადოებრივი ტრანსპორტის მგზავრებისთვის ამოქმედდა სამგზავრო ერთწლიანი აბონიმენტი, რომლის ღირებულებაც 7, 09 ლარს შეადგენს.

ყალბ ინფორმაციას ფეისბუქგვერდი „TBC Transport Card პოსტი“ ავრცელებს. აღნიშნული ინფორმაცია სინამდვილეს არ შეესაბამება. საკითხთან დაკავშირებით გამოიჩინეთ სიფრთხილე“, - აცხადებენ მერიაში.