ტანისა და თეძმის დაცული ლანდშაფტის ტერიტორიაზე მცხოვრები ბიზნესით დაინტერესებული მოქალაქეებისთვის გორის განვითარების სააგენტო სწავლებას გამართავს.

ტრენინგი სახელწოდებით „მარკეტინგი და გაყიდვები“ 20 მარტს გაიმართება და მასში მონაწილეობა დაინტერესებული სუბიექტებისთვის უფასოა.

ორგანიზატორების ინფორმაციით, მონაწილეები შეისწავლიან: როგორ მოიზიდონ მეტი ტურისტი; როგორ გამოიყენონ პლადფორმები- Booking.com, Facebook და Airbnb ეფექტურად; როგორ შექმნან, გაყიდონ ტურისტული პროდუქტები; როგორ შეიმუშაონ მარკეტინგული გეგმა და განავითარონ თავიანთი ბიზნესი.

ტრენინგის ყველა მონაწილეს გადაეცემა სერტიფიკატი ტურიზმის ეროვნული ადმინისტრაციისგან.

აქტივობაში ჩასართავად რეგისტრაციის გავლა 15 მარტამდეა შესაძლებელი.

პროექტის შესახებ დეტალური ინფორმაციის გაცნობა შესაძლებელია გორის განვითარების სააგენტოს ფეისბუქგვერდზე.