ბაკურიანში „ლიდერთა ბანაკი 2025“ დასრულდა.

გორის მუნიციპალიტეტის მერის მოვალეობის შემსრულებელი სიმონ გულედანი, გორის მუნიციპალიტეტის განათლების, კულტურის, სპორტისა და ახალგაზრდულ საქმეთა სამსახურის ხელმძღვანელთან რამაზ შიოშვილთან ერთად, ბაკურიანის ბანაკს სტუმრობდა. მათ პროექტის მონაწილეებს სერტიფიკატები გადასცეს და ახალგაზრდების დასკვნით ღონისძიებას დაესწრნენ.

რაც შეეხება პროექტს, მიმდინარე წელს ბანაკმა გორის მუნიციპალიტეტში მცხოვრებ 15-დან 29 წლამდე ასაკის 80 ახალგაზრდას ორ ნაკადად უმასპინძლა. ინიციატივის მიზანი იყო ლიდერული თვისებების განვითარება, პროექტების წერის და მართვის შესწავლა, საგრანტო პროექტების მოძიება და მათი პრიორიტეტების განსაზღვრა. ახალგაზრდები ესწრებოდნენ, ასევე, ტრენინგებს სასკოლო თვითმმართველობის განვითარების, პროექტის წერის და პრეზენტაციის, სოციალური აქტივიზმის, ახალგაზრდული მუშაკის კომპეტენციების, ინოვაციური ტექნოლოგიების, სტარტაპების და ხელოვნური ინტელექტის შესახებ. შემეცნებითი აქტივობების გარდა, ისინი ჩართულები იყვნენ სხვადასხვა კულტურულ, სპორტულ და გასართობ ღონისძიებებშიც.

შეგახსენებთ, პროექტი „ახალგაზრდა ლიდერები 2025“ გორის მუნიციპალიტეტის მერიის და საერთაშორისო ტექნოლოგიური ინტელექტის თანამშრომლობით განხორციელდა.