ატენის ხეობის და მიმდებარე ტერიტორიების სივრცის დაგეგმარების გეგმის და სტრატეგიული გარემოსდაცვითი შეფასების ანგარიშის საჯარო განხილვა გაიმართა.

შიდა ქართლის სახელმწიფო რწმუნებულის ადმინისტრაციის და ადგილობრივი თვითმმართველობის წარმომადგენლებს შემუშავებული დოკუმენტაცია საპროექტო კომპანია„არტ-სტუდიო პროექტის“ წარმომადგენლებმა გააცნეს.

„გორის მაცნეს“ ინფორმაციით, გეგმა, რომელიც ატენის ხეობის ორგანიზებულ განვითარებაზეა გათვლილი, სამომავლოდ, ასევე, ხელს შეუწყობს ადგილობრივი მოსახლეობის ეკონომიკურ გაძლიერებას.

„ატენის ხეობის და მიმდებარე ტერიტორიების სივრცის დაგეგმარების გეგმის და სტრატეგიული გარემოსდაცვითი შეფასების ანგარიშის რეკომენდაციების მიღება28 მარტამდე როგორც ბეჭდური, ისე ელექტრონული სახით იქნება შესაძლებელი.

დაინტერესებულმა პირებმა წინადადებები შეუძლიათ წარადგინონ როგორც სივრცითი და ქალაქთმშენებლობითი განვითარების სააგენტოში (მის: თბილისი, დავით აღმაშენებლის გამზირი№154) ასევე, გორის მუნიციპალიტეტის მერიაში (მის: გრიგოლ ფერაძის№5), ან გააგზავნონ ელექტრონულ მისამართზე: sajaro. gankhilvebi@suda. gov. ge“, - აცხადებენ შიდა ქართლის სახელმწიფო რწმუნებულის ადმინისტრაციაში.