მგზავრთა გაზრდილი ნაკადის გამო, საქართველოს რკინიგზა რეისებს ამატებს.

კომპანიის მიერ გავრცელებული ინფორმაციით, დამატებითი რეისები 21 აპრილის ჩათვლით ყოველ შაბათს, კვირას და ორშაბათს თბილისი-ბათუმი-თბილისის მიმართულებით შესრულდება.

რაც შეეხება განრიგს, მატარებელი თბილისიდან 00:30 საათზე გავა და მგზავრები ბათუმში 06:05 საათზე ჩავლენ.

ბათუმიდან კი თბილისის მიმართულებით რეისი 00:04 საათზე შესრულდება და მატარებელი თბილისში 06:02 საათზე იქნება.

მსურველები ბილეთების შეძენას საქართველოს რკინიგზის ოფიციალურ ვებგვერდზე, სწრაფი გადახდის აპარატებით, საქართველოს რკინიგზის პარტნიორი კომპანიების მეშვეობით და საქართველოს რკინიგზის სალაროებში შეძლებენ.