გაცვლითი პროგრამებით დაინტერესებული ახალგაზრდებისთვის ახალი პროექტი იწყება. ევროპის სოლიდარობის კორპუსი დაინტერესებულ პირებს მოხალისეობრივ პროგრამაში ჩართვას სთავაზობს.

განსახორციელებელი პროექტები 10, 11 და 12 თვიან პერიოდს მოიცავს და იტალიაში (ტრენტო, ბოლზანო) განხორციელდება.

გორის განვითარების სააგენტოს ინფორმაციით, პროგრამის მონაწილეებს ევროპის სოლიდარობის კორპუსი მგზავრობის ხარჯებს, იტალიური ენის შესწავლის კურსებს, დამატებით ხარჯებს და ჯანმრთელობის დაზღვევას დაუფინანსებს.

„დაინტერესებულმა პირებმა 31 მარტამდე უნდა გააგზავნოთ ინგლისურენოვანი რეზიუმე, სამოტივაციო წერილი და შევსებული სააპლიკაციო ფორმა ელ. მისამართზე: evs@incoweb. org.

აპლიკაციების განხილვა და გასაუბრებები ჩატარდება 1-11 აპრილს მასპინძელი ორგანიზაციების მიერ.

მსურველებმა დეტალური ინფორმაციის მისაღებად უნდა დარეკონ ნომერზე: 599 191 787“, - აცხადებენ გორის მუნიციპალიტეტის განვითარებისა და ტანისა და თეძმის დაცული ლანდშაფტის მართვის სააგენტოში.