ბაკურიანში ახალგაზრდული ბანაკის პირველი ეტაპი დასრულდა.

გორის მუნიციპალიტეტის მერის მოვალეობის შემსრულებელი სიმონ გულედანი, საკრებულოს თავმჯდომარე დავით რაზმაძე და ხელისუფლების სხვა წარმომადგენლები დასკვნით ღონისძიებას დაესწრნენ და ახალგაზრდებს სერტიფიკატები გადასცეს.

პროექტში, რომელიც „ახალგაზრდა ლიდერები 2025“-ის ფარგლებში მიმდინარეობს, გორის მუნიციპალიტეტში მცხოვრები ახალგაზრდები მონაწილეობენ და ადგილობრივი თვითმმართველობის ინფორმაციით, 15-დან 29 წლამდე ასაკის 80 პირი ბაკურიანში ორ ნაკადად გაემგზავრება.

„პროექტი „ახალგაზრდა ლიდერები 2025“, რომლის მიზანი ლიდერული თვისებების განვითარება, პროექტების წერის და მართვის შესწავლა, საგრანტო პროექტების მოძიება და მათი პრიორიტეტების განსაზღვრაა, გორის მუნიციპალიტეტის მერიის და საერთაშორისო ტექნოლოგიური ინტელექტის თანამშრომლობით ხორციელდება.

ახალგაზრდები მონაწილეობენ სასკოლო თვითმმართველობის განვითარების, პროექტის წერის და პრეზენტაციის, სოციალური აქტივიზმის, ახალგაზრდული მუშაკის კომპეტენციების, ინოვაციური ტექნოლოგიების, სტარტაპების და ხელოვნური ინტელექტის შესახებ გამართულ ტრენინგებში. შემეცნებითი აქტივობების გარდა, ისინი ჩართულები არიან სხვადასხვა კულტურულ, სპორტულ და გასართობ ღონისძიებებშიც“, - აცხადებენ გორის მერიაში.