თხილის წარმოების ხელშეწყობის პროგრამაში მონაწილეობის მიზნით, აგრომაღაზიების განაცხადების მიღება 2025 წლის 7 მარტის 12:00 საათიდან დაიწყება.

სოფლის განვითარების სააგენტოს ინფორმაციით, აგრომაღაზიებმა შევსებული განაცხადის ფორმა, დოკუმენტაციასთან ერთად, ელექტრონული ფოსტის მისამართზე: nuts@rda. gov. ge უნდა გააგზავნონ.

„თხილის წარმოების ხელშეწყობის პროგრამაში მონაწილეობის მიზნით საქონლის მიმწოდებელმა შევსებული განაცხადის ფორმა წარმოსადგენ დოკუმენტაციასთან ერთად უნდა გამოაგზავნოს სააგენტოში სპეციალურად შექმნილ ელექტრონული ფოსტის მისამართზე.

ასევე, შესაძლებელია წარუდგინოს ადმინისტრაციული დეპარტამენტის საქმისწარმოების სამსახურის თანამშრომელს ან/და რეგიონებთან ურთიერთობის დეპარტამენტის შესაბამისი რეგიონული სამსახურის თანამშრომელს მატერიალური სახით.

ხელშეკრულებით ნაკისრი ვალდებულებების შესრულების დამადასტურებელ დოკუმენტაციას კი, საქონლის მიმწოდებელი კომპანია სააგენტოში წარმოადგენს ელექტრონული პროგრამის საშუალებით“, - აცხადებენ სააგენტოში.