ბათუმში გამართულ საქართველოს ჩემპიონატზე გორელმა და ვარიანელმა მოკრივეებმა ორი - ოქროს და სამი ვერცხლის მედალი მოიპოვეს.

გორელთაგან შეჯიბრის გამარჯვებული ანანო ქობულაშვილი (46 კგ.) გახდა. ვიცე-ჩემპიონის ტიტულს კი თემურ პავლიაშვილი (60 კგ.) დაეუფლა. ორივე სპორტსმენი ავთანდილ შოშიაშვილის სახელობის გორის კრივის სპეციალიზებული სპორტული სკოლის წარმომადგენელია.

რაც შეეხება გიორგი კანდელაკის სახელობის ვარიანის კრივის სკოლის სპორტსმენებს, ნიკოლოზ ხიზანიშვილი (57 კგ.) საქართველოს ჩემპიონია. ვერცხლის მედალი კი ზაზა მდინარიძეს (46 კგ.) და ილია პაპუაშვილის (70 კგ.) ანგარიშზეა.

ქვეყნის ჩემპიონატზე მოპოვებული შედეგების მიხედვით, საქართველოს ჭაბუკთა ნაკრები დაკომპლექტდება, რომელიც კონტინენტის ჩემპიონატზე და სხვადასხვა რანგის შეჯიბრზე იასპარეზებს.