გორის განვითარების სააგენტომ პროექტში - „ველური ბუნების მცველები“ მონაწილეობის მისაღებად კონკურსი გამოაცხადა.

პროექტში მონაწილეობა 3-10 წევრისგან შემდგარ გუნდებს (ეკო-კლუბი, სკოლის ჯგუფი, სტუდენტური გაერთიანება) შეუძლიათ, რომლებიც ველური ბუნების მოვლის და დაცვის შესახებ კრეატიულ TikTok ვიდეოს (15-60 წამი) გადაიღებენ.

როგორც გორის განვითარების სააგენტოში აცხადებენ, კონკურსში მონაწილეობის მიღება 30 მარტის ჩათვლითაა შესაძლებელი. გამარჯვებული კი 5 აპრილს გამოვლინდება. გარემოსდაცვითი აქტივიზმისთვის ყველა მონაწილე მიიღებს სერტიფიკატს.

„გაერთიანდი მეგობრებთან, გადაიღე TikTok ვიდეო ერთ-ერთ თემაზე: „ბუნების გმირები“ (გადაიღეთ სკეჩი, სადაც გუნდის წევრები „გადარჩენენ“ ბუნებას); „Before & After“ (აჩვენეთ დაბინძურებული ტერიტორიის დასუფთავება) და „ეკო-ჩვევები“ (წარმოადგინეთ 3 მარტივი გზა, როგორ დავეხმაროთ ბუნებას).

გამოიყენეთ ჰეშთეგი # ველური_ბუნების_მცველი და ატვირთეთ ვიდეო TikTok-ზე. გამოგვიგზავნეთ ვიდეოს ბმული ფეისბუქგვერდზე და მოიგე დაუვიწყარი ეკო-ბანაკი ტანისა და თეძმის დაცულ ლანდშაფტზე“, - ნათქვამია სააგენტოს მიერ გავრცელებულ ინფორმაციაში.