გორის მუნიციპალიტეტის სოფელ ზეღდულეთში საჭიდაო მოედნის მოწყობის სამუშაოები დასრულების ეტაპზეა.

ადგილობრივი თვითმმართველობის ცნობით, სამუშაოების ღირებულება 200 ათას ლარამდეა.

პროექტის მიხედვით მოეწყობა საჭიდაო არენა ღია გუმბათით, დამონტაჟდება თანამედროვე სტანდარტების შესაბამისი 280 ზურგიანი სკამი (მათ შორის ოთხი სკამი განკუთვნილი იქნება შშმ პირებისთვის). გათვალისწინებული იქნება სივრცე ფეხზე მდგომი მაყურებლებისთვისაც. ობიექტი შემოიღობება ლითონის ფურცლით. ტრიბუნებზე ასვლა შესაძლებელი იქნება ლითონის კიბეებით.

პროექტი „სამოქალაქო ბიუჯეტი 2024“-ის ფარგლებში ხორციელდება, რომლის მიზანი მუნიციპალურ პროცესებში მოქალაქეთა ჩართულობის ზრდის ხელშეწყობა და ადგილობრივი ბიუჯეტის მათი ინტერესების გათვალისწინებით განაწილებაა.