საზოგადოება
04.03.2025 12:55
დავით აღმაშენებლის დღისადმი მიძღვნილი ღონისძიებების ფარგლებში, საპრიზო ადგილები გორის გიმნაზიის, მე-7 და მე-8 სკოლების მოსწავლეებმა დაიკავეს
გორში დავით აღმაშენებლის დღისადმი მიძღვნილი ღონისძიებები გაიმართა.
გორის მუნიციპალიტეტის კულტურის სააგენტოს ცნობით, აქტივობებში გორის მუნიციპალიტეტის საჯარო და კერძო სკოლების 250-ზე მეტი მოსწავლე მონაწილეობდა.
ჩატარდა საგანმანათლებლო და კულტურული აქტივობები. მოეწყო გამოფენები და კონკურსები.
რაც შეეხება გამარჯვებულებს, ისტორიის კონკურსში ღირსი მამა გიორგი მთაწმინდელის სახელობის გორის გიმნაზიის მოსწავლემ მარიამ შეყილაძემ გაიმარჯვა.
მეორე საპრიზო ადგილი მარიამ ალექსიძემ (მერვე საჯარო სკოლა) დაიკავა.
მესამე ადგილს კი მარიამ უმეკაშვილი (მეშვიდე საჯარო სკოლა) და ტარიელ სადაღაშვილი (კარალეთის მეორე საჯარო სკოლა) დაეუფლნენ.
ნახატების კონკურსში ექვსი გამარჯვებული: ანა სამადალაშვილი (მეთორმეტე საჯარო სკოლა), მარი გიგოლაშვილი (ბერბუკის საჯარო სკოლა), ნიკოლოზ მეგრელიშვილი და ვანიკო კუპრაშვილი (ზემო ხვითის საჯარო სკოლა), თამარ ბუდაღაშვილი (ზეღდულეთის საჯარო სკოლა) და თამარ ნოზაძე (მეშვიდე საჯარო სკოლა) გამოვლინდა.
კონკურსების ფინალისტები და გამარჯვებულები გელათში გაემგზავრებიან.
