დავით აღმაშენებლის სახელობის საქართველოს ეროვნული თავდაცვის აკადემიამ პარტნიორობა მშვიდობისთვის კონსორციუმის დისტანციური სწავლების სამუშაო ჯგუფის შეხვედრას უმასპინძლა.

ღონისძიება ურთიერთთანამშრომლობის ფარგლებში, თემაზე - „დისტანციური სწავლების და ხელოვნური ინტელექტის როლი სამხედრო მზადყოფნისა და სწავლების გაუმჯობესებაში“, ჩატარდა და ეროვნული თავდაცვის აკადემიასთან ერთად, ათი სხვადასხვა ქვეყნის წარმომადგენლები მონაწილეობდნენ.

შეხვედრა ეროვნული თავდაცვის აკადემიის რექტორის მოადგილემ, პოლკოვნიკმა ზურაბ ზერეკიძემ გახსნა და მოწვეულ სტუმრებს სიტყვით მიმართა.

„სამუშაო შეხვედრის მიზანია ნატოს მოკავშირეებს და პარტნიორებს შორის ციფრული განათლების სფეროში ცოდნის გაზიარება, ახალი ტენდენციების განხილვა და ერთობლივი სტრატეგიების შემუშავება.

ძირითადი საკითხები კი მოიცავდა: ციფრული სასწავლო მასალების გაზიარებას მოკავშირე ქვეყნებს შორის, ახალი სტრატეგიების განხილვას და პრაქტიკულ მიდგომებს, დისტანციური სწავლების როლს ინფორმაციულ და ფსიქოლოგიურ უსაფრთხოებაში, ხელოვნური ინტელექტის შესაძლებლობებს სამხედრო მომზადებაში.

მონაწილეებმა იმსჯელეს დისტანციური სწავლების და ხელოვნური ინტელექტის როლზე სამხედრო მომზადების გაუმჯობესებაში და განიხილეს, თუ როგორ შეიძლება ახალი ტექნოლოგიების ეფექტური ინტეგრაცია თავდაცვის სფეროში“, - აცხადებენ აკადემიაში.