უეფას ერთა ლიგის პლეი-ოფში საქართველოს ნაკრები სომხეთს დაუპირისპირდება. პირველი შეხვედრა 20 მარტს გაიმართება. Მატჩს ერევანი უმასპინძლებს. 23 მარტს, საქართველოს ნაკრები მეტოქეს დინამო არენაზე შეხვდება.

Რაც შეეხება ბილეთების რეალიზაციას, თბილისში გასამართ მატჩზე დასასწრები ბილეთების გაყიდვა დღეს, 27 თებერვალს დაიწყო.

საქართველოს ეროვნული ნაკრების ინფორმაციით, თითოეულ მომხმარებელს მაქსიმუმ ოთხი ბილეთის შეძენა შეუძლია. უსაფრთხოების ზომებიდან გამომდინარე, სტუმარი გუნდის ფანებისთვის გამოყოფილ პირველი იარუსის მე-9 და მე-10 სექტორზე არ დაიშვებიან ქართველი გულშემატკივრები.

Რაც შეეხება სომხეთში გასამართ შეხვედრას, ქართველი გულშემატკივრებისთვის განკუთვნილი ბილეთების გაყიდვა 28 თებერვალს, 12:00 საათზე დაიწყება. თითოეულ მომხმარებელს მაქსიმუმ ორი ბილეთის შეძენა შეუძლია.

Ორივე მატჩზე დასასწრები ბილეთების შეძენა ონლაინ რეჟიმში - TKT.GE-ზეა შესაძლებელი.