გიორგი მთაწმინდელის სახელობის გორის სკოლა-გიმნაზიაში, გორის და მერეთის სალოტბარო სკოლების აღსაზრდელთა კონცერტი გაიმართა.

ადგილობრივი თვითმმართველობის ცნობით, მსმენელმა Ძველი და ახალი თაობის მოსწავლეების შესრულებით (ლოტბარებთან ერთად) უძველესი ქართლური სიმღერები მოისმინა.

კონცერტს ფოლკლორის მოყვარულებთან ერთად, პარლამენტის წევრები - გიორგი გაბუნია და გენო პეტრიაშვილი, ფოლკლორის ცენტრის დირექტორი გიორგი დონაძე, გორის საკრებულოს თავმჯდომარე დავით რაზმაძე და მერიის წარმომადგენელი რამაზ შიოშვილი ესწრებოდნენ.

„გორის სალოტბარო სკოლა  კულტურის სამინისტროს მხარდაჭერით, ფოლკლორის ცენტრის მიერ 2015 დაარსდა. ამ დროისთვის დაწესებულებაში 60-მდე მოზარდი და ახალგაზრდა ირიცხება. სალოტბარო სკოლაში უფასოდ შეისწავლება ტრადიციული სიმღერა, გალობა, საკრავები და ქორეოგრაფია. ორი წელია უკვე რაც სალოტბარო სკოლა ოკუპირებული ტერიტორიის მოსაზღვრე სოფელ მერეთშიც ფუნქციონირებს, სადაც 15 მოზარდი სწავლობს," - აღნიშნულია გორის მერიის მიერ გავრცელებულ ინფორმაციაში.