ოჯახებში სიღარიბის მაჩვენებლის შეფასების და აღმოფხვრის გზების მოძიების მიზნით, გორის განვითარების სააგენტო ბრიტანულ უნივერსიტეტთან ერთად პროექტს ახორციელებს.

Სააგენტოს ინფორმაციით, პროექტი ატენის თემში შემავალი სოფლების მდგრად განვითარებას შეუწყობს ხელს.

Პროგრამის ფარგლებში, ბრიტანული უნივერსიტეტის გუნდმა 40 ოჯახი გამოკითხა და დეტალური ინფორმაცია მოიპოვა მათი საჭიროებების, გამოწვევების,  შესაძლებლობების შესახებ, რომელსაც სააგენტოს თანამშრომლები გაეცნენ.

„Მოსახლეობის მოსაზრებები, რომლებიც  ტურიზმის განვითარების შესაძლებლობებს და სხვადასხვა სექტორში ეკონომიკური გაძლიერების გზებს მოიცავს, მნიშვნელოვან როლს შეასრულებს მომავალი სტრატეგიის ჩამოყალიბებაში. Ბრიტანული უნივერსიტეტი და განვითარების სააგენტო მომავალში ერთობლივ საგანმანათლებლო ინიციატივებს გეგმავს, რომელიც პროგრამირების და ხელოვნური ინტელექტის სწავლას მოიცავს, ამასთან, ერთ-ერთი მთავარი მიზანი ტანას ხეობის პოპულარიზაცია და მისი ტურისტული პოტენციალის განვითარებაა", - აღნიშულია სააგენტოს მიერ გავრცელებულ ინფორმაციაში.