უამინდობის და დიდთოვლობის გამო, საქართველოს რკინიგზა კიდევ დამატებით რამდენიმე რეისს აუქმებს.

კომპანიის მიერ გავრცელებული ინფორმაციით, დღეს, 26 თებერვალს არ შესრულდება თბილისი - ბათუმი, ბათუმი - თბილისი, თბილისი - ზუგდიდი და ფოთი-თბილისის რეისები.

„საქართველოს რკინიგზა ბოდიშს გიხდით შექმნილი დისკომფორტის გამო. რეისები აღდგება შექმნილი მეტეოროლოგიური ვითარების გამოსწორებისთანავე.

მგზავრებს კი ბილეთის საფასური სრულად აუნაზღაურდებათ“, - აცხადებენ საქართველოს რკინიგზის ადმინისტრაციაში.