საზოგადოება
25.02.2025 11:47
უამინდობის გამო, საქართველოს რკინიგზა დღეს და ხვალ რეისებს აუქმებს
დასავლეთ საქართველოში არსებული უამინდობის გამო, საქართველოს რკინიგზა დღეს და ხვალ მატარებლების რამდენიმე რეისსს აუქმებს.
კომპანიის მიერ გავრცელებული ინფორმაციით, დღეს, 25 თებერვალს არ შესრულდება თბილისი-ოზურგეთის, ასევე, რიონი-ქუთაისი-რიონი, ქუთაისი-ბათუმი-ქუთაისი და ბათუმი-ოზურგეთი-ბათუმის რეისები.
რაც შეეხება ხვალ, 26 თებერვალს, გადაიდება ოზურგეთი-თბილისის და რიონი- ქუთაისი-რიონის მიმართულებით მოძრავი რეისები.
„საქართველოს რკინიგზა ბოდიშს გიხდით შექმნილი დისკომფორტის გამო. მგზავრებს ბილეთის საფასური სრულად აუნაზღაურდებათ“, - ნათქვამია საქართველოს რკინიგზის მიერ გავრცელებულ ინფორმაციაში.
