საზოგადოება
20.02.2025 15:09
ახალგაზრდულ ბიბლიოთეკაში საჯაროდ კითხვის მსოფლიო დღე აღნიშნეს
საჯაროდ კითხვის მსოფლიო დღე გორის მუნიციპალიტეტის კულტურის განვითარების ხელშეწყობის სააგენტოს ახალგაზრდულ ბიბლიოთეკაში სხვადასხვა აქტივობით აღინიშნა.
ორგანიზატორთა ინფორმაციით, პატარა მკითხველთან შეხვედრა მოეწყო.
„შეხვედრაზე მონაწილეებმა წიგნებიდან ამონარიდები განიხილეს. მოეწყო გასვლითი ღონისძიებაც. გორის პირველ საბავშვო ბაგა-ბაღში ბიბლიოთეკის თანამშრომლებმა აღსაზრდელებს საბავშვო ლექსები, ზღაპრები და გამოცანები წაუკითხეს. ახალგაზრდული ბიბლიოთეკა წლის განმავლობაში, ბავშვებთან და მოზარდებთან სხვადასხვა შემეცნებით და საგანმანათლებლო აქტივობას ახორციელებს.“, - აცხადებენ ორგანიზატორები.
შეგახსენებთ, საქართველოში წიგნის საჯაროდ კითხვის მსოფლიო დღე 2016 წლიდან, საქართველოს წიგნის გამომცემელთა და გამავრცელებელთა ასოციაციის ინიციატივით აღინიშნება.
