სპორტი
19.02.2025 16:06
ძიუდოში გამართულ საქართველოს სარეიტინგო ტურნირზე გორელმა სპორტსმენებმა ორი ბრინჯაოს მედალი მოიპოვეს
ძიუდოში გამართული საქართველოს სარეიტინგო ტურნირი გორელმა სპორტსმენებმა ბრინჯაოს მედლებით დაასრულეს.
ლაშა სეხნიაშვილმა 50 კგ., ხოლო ბაჩო დემეტრაშვილმა +81 კგ. წონით კატეგორიაში იასპარეზეს და მესამე ადგილი დაიკავეს.
საპრიზო ადგილზე გასული ორივე ძიუდოისტი გურამ პაპიტაშვილის სახელობის გორის ჭიდაობის კომპლექსური სპორტული სკოლის წარმომადგენელია.
საპრიზო ადგილზე გასული სპორტსმენები შესაბამისი ხარისხის მედლებით და სიგელებით დაჯილდოვდნენ.
სარეიტინგო ტურნირი, რომლის მიზანი ცხოვრების ჯანსაღი წესის დამკვიდრება და სპორტის აღნიშნული სახეობის პოპულარიზაციაა, ძიუდოს აკადემიაში ჩატარდა. შეჯიბრში 2009-2010 წლებში დაბადებული ძიუდოისტები ასპარეზობდნენ.
