„სოფლის მხარდაჭერის პროგრამის“ ფარგლებში, მოსახლეობასთან გამართული შეხვედრები დასრულდა.

როგორც ადგილობრივ თვითმმართველობაში აცხადებენ, გორის მუნიციპალიტეტის მერიის და საკრებულოს წარმომადგენლები 112 დასახლებულ პუნქტში იმყოფებოდნენ და მოსახლეობასთან კონსულტაციები გამართეს.

„ადგილობრივებთან შეხვედრები 27 იანვრიდან 18 თებერვალის ჩათვლით გრძელდებოდა. უნდა აღინიშნოს, რომ მოსახლეობამ მიმდინარე წელს განსახორციელებელი პროექტები ხმათა უმრავლესობით შეარჩია.

თითოეულ სოფელში, 10 ათასიდან 20 ათას ლარამდე ღირებულების მცირე ინფრასტრუქტურული პროექტები დაფინანსდება.

2025 წელს „სოფლის მხარდაჭერის პროგრამის“ ფარგლებში, გორის მუნიციპალიტეტისთვის 1 596 000 ლარია გამოყოფილი“, - აცხადებენ მერიაში.