გადაუდებელი ან განსაკუთრებული საჭიროების შემთხვევაში, დევნილთა, ეკომიგრანტთა და საარსებო წყაროებით უზრუნველყოფის სააგენტო დევნილებს ფულად დახმარებას გაუწევს.

როგორც უწყებაში აცხადებენ, ერთჯერადი დახმარების გაცემის შესახებ გადაწყვეტილებას კომისია, კრიტერიუმების შესაბამისად, იღებს. ფულადი დახმარების გაცემა6 თვეში ერთხელ არის შესაძლებელი.

პროექტით სარგებლობა შეუძლია დევნილს, რომელიც აკმაყოფილებს ჩამოთვლილ ერთ ან რამდენიმე კრიტერიუმს:

გარდაეცვლება ოჯახის წევრი – თუ გარდაცვლილის ოჯახი რეგისტრირებულია სოციალურად დაუცველი ოჯახების მონაცემთა ერთიან ბაზაში და მისი სარეიტინგო ქულა შეადგენს 100 001-ზე ნაკლებს;

დარეგისტრირდება სოციალურად დაუცველი ოჯახების მონაცემთა ერთიან ბაზაში – თუ დევნილი ოჯახი რეგისტრირებულია სოციალურად დაუცველი ოჯახების მონაცემთა ერთიან ბაზაში და მისი სარეიტინგო ქულა შეადგენს30 001-ზე ნაკლებს;

აქვს ონკოლოგიური დაავადება;

მინიჭებული აქვს მკვეთრად გამოხატული შეზღუდული შესაძლებლობების მქონე პირის სტატუსი;

მრავალშვილიანია – თუ ოჯახის შემადგენლობაში არის3 და მეტი18 წელზე ნაკლები ასაკის ოჯახის წევრი;

ესაჭიროება ქირურგიული ოპერაცია – თუ დევნილი ოჯახი რეგისტრირებულია სოციალურად დაუცველი ოჯახების მონაცემთა ერთიან ბაზაში და მისი სარეიტინგო ქულა შეადგენს 100 001-ზე ნაკლებს;

აქვს ომის ვეტერანის/ომში დაღუპულის ან მარჩენალდაკარგულის სტატუსი – თუ ოჯახში არის საქართველოს ტერიტორიული მთლიანობისათვის, თავისუფლებისა და დამოუკიდებლობისთვის საბრძოლო მოქმედებების ვეტერანი ან ოჯახის წევრს მინიჭებული აქვს ომში დაღუპულის/მარჩენალდაკარგულის სტატუსი;

არის მარტოხელა მშობლი ან ქვრივის;

აქვს მსხვერპლის სტატუსი - თუ დევნილს „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ საქართველოს კანონის შესაბამისად მინიჭებული აქვს მსხვერპლის სტატუსი და იმყოფება თავშესაფარში ან კრიზისულ ცენტრში;

დაზიანებული/განადგურებული აქვს საცხოვრებელი – თუ დევნილ ოჯახს დაუზიანდა/გაუნადგურდა საცხოვრებელი იმგვარად, რომ მასში ცხოვრება ნაწილობრივ ან სრულად შეუძლებელია;

ერთჯერადი ფინანსური დახმარება ასევე გაიცემა საქართველოს ტერიტორიული მთლიანობისთვის ბრძოლებში უგზო-უკვლოდ დაკარგულ მებრძოლთა და სამოქალაქო პირთა ნეშტების მოძიებისა და გადმოსვენების შემთხვევაში – თუ გადმოსვენებული პირის ოჯახის წევრმა(დედა, მამა, და, ძმა, მეუღლე, შვილი) განცხადებით მიმართა სააგენტოს და მას დევნილთა მონაცემთა ბაზის მიხედვით მინიჭებული აქვს დევნილის სტატუსი.

დაინტერესებულ პირებს დეტალური ინფორმაციის გაცნობა შეუძლიათ ვებგვერდზე: idp. moh. gov. ge