სპორტი
17.02.2025 13:18
მამაკაცთა შორის თოვლის ფრენბურთში გამართულ საქართველოს ეროვნულ ჩემპიონატზე გორელებმა მეორე და მესამე ადგილები დაიკავეს
მეორე და მესამე ადგილით დაასრულეს გორის გუნდებმა მამაკაცთა შორის თოვლის ფრენბურთში გამართული საქართველოს ჩემპიონატი.
მესამე ადგილისთვის ბრძოლაში „გორი 1“ ყვარელის გუნდს დაუპირისპირდა. რაც შეეხება ფინალს, „გორი 2“ საქართველოს ტექნიკური უნივერსიტეტის გუნდთან დამარცხდა და მეორე ადგილი დაიკავა.
გორელების მწვრთნელები თინა ფსუტური და ნინო სირაძე არიან.
თოვლის ფრენბურთში საქართველოს ეროვნული ჩემპიონატი ბაკურიანში ჩატარდა. შეჯიბრში უმაღლესი და პირველი ლიგის გუნდები მონაწილეობდნენ. ტურნირზე ქალთა თხუთმეტი და მამაკაცთა ცამეტი გუნდი ასპარეზობდა.
