გორის მუნიციპალიტეტის სკოლამდელი აღზრდის სააგენტოს მენეჯერი მეთერთმეტე, მესამე და სკრის საბავშვო ბაგა-ბაღებში იმყოფებოდა.

გიორგი შათირიშვილი სააგენტოს მონიტორინგის სამსახურის თანამშრომლებთან ერთად, სკოლამდელი აღზრდის დაწესებულებების კვების ბლოკის მუშაობას გაეცნო და სააღმზრდელო ჯგუფები დაათვალიერა. შემოწმდა პროდუქტის სასაწყობე და სამაცივრე სივრცეები, ასევე, სააღმზრდელო ჯგუფებში არსებული სველი წერტილები.

„ჩვენთვის მნიშვნელოვანია პროდუქტის შენახვის და მომზადების პირობები სტანდარტებით გაწერილი ყველა წესის დაცვით იყოს შესრულებული. სააგენტოს მონიტორინგის ჯგუფის საქმიანობა მოიცავს როგორც პროდუქტის, ისე ინვენტარის მდგომარეობის კონტროლს, რაც გვეხმარება აღსაზრდელთა კვების და ჰიგიენის უსაფრთხოება უმაღლეს საერთაშორისო დონეზე ავიყვანოთ. მიმდინარე თვეში გორის მუნიციპალიტეტში არსებული ყველა საბავშვო ბაღის კვების ბლოკების ახალი და ეკოლოგიურად სუფთა ჭურჭლით და სამზარეულოს ინვენტარით აღჭურვის პროცესი მიმდინარეობს“, - აღნიშნა გიორგი შათირიშვილმა.