„სოფლის მხარდაჭერის პროგრამის“ ფარგლებში, მოსახლეობასთან შეხვედრები გრძელდება.

ადგილობრივი ხელისუფლების წარმომადგენლები, ამჯერად, ატენის ადმინისტრაციულ ერთეულში შემავალ 13 სოფელში იმყოფებოდნენ და მოსახლეობის საჭიროებებს ადგილზე გაეცვნენ.

ადგილობრივებმა 2025 წელს განსახორციელებელი პროექტები ხმათა უმრავლესობით გორის მუნიციპლიტეტის 112-დან 95 დასახლებულ პუნქტში უკვე შეარჩიეს.

როგორც გორის მერიაში აცხადებენ, ყველა სოფელში 10 ათასიდან 20 ათას ლარამდე ღირებულების მცირე ინფრასტრუქტურული პროექტები დაფინანსდება.

შეგახსენებთ, „სოფლის მხარდაჭერის პროგრამის“ ფაგლებში, 2025 წელს გორის მუნიციპალიტეტისთვის 1 596 000 ლარია გამოყოფილი.

მოსახლეობასთან შეხვედრები 27 იანვარს დაიწყო და ხვალ, 18 თებერვალს დასრულდება.

„სოფლის მხარდაჭერის პროგრამა“, საქართველოს მასშტაბით, ყველა მუნიციპალიტეტში ხორციელდება.