გორელმა ძიუდოისტმა გოგონებმა კადეტთა სარეიტინგო ტურნირი ოთხი მედლით დაასრულეს.

მოპოვებული მედლებიდან ერთი - ოქროს, ორი - ვერცხლის და ერთი ბრინჯაოს სინჯისაა.

შეჯიბრის გამარჯვებული ქრისტი მაზანაშვილი გახდა. აღსანიშნავია, რომ სპორტსმენი ცოტა ხნის წინ სამბოში საქართველოს ჩემპიონის ტიტულსაც დაეუფლა.

ვერცხლის მედალი ნინი გიგაურმა (44 კგ.) და მარიამ იაშვილმა (48 კგ.) მოიპოვეს.

ნატა გაბარაშვილმა (44 კგ.) კი ასპარეზობა მესამე ადგილით დაასრულა.

საპრიზო ადგილზე გასული ყველა ძიუდოისტი გურამ პაპიტაშვილის სახელობის გორის ჭიდაობის კომპლექსური სპორტული სკოლის წარმომადგენელია. სამი ძიუდოისტის მწვრთნელი მარი მახარაშვილია, ნინი გიგაურის კი - ვეფხია ბაზანდარაშვილი.

კადეტთა სარეიტინგო ტურნირი თბილისში ჩატარდა.