საქართველოს ჩემპიონატზე ძიუდოში (მეორე დონე) გორელმა სპორტსმენებმა  2 - ოქროს, 2 - ვერცხლის და 5 ბრინჯაოს მედალი მოიპოვეს.

ჩემპიონატში, რომელსაც დედაქალაქმა უმასპინძლა, საქართველოს რეგიონებში მოღვაწე სპორტსმენები მონაწილეობდნენ.

რაც შეეხება პრიზიორებს, პირველი ადგილები და ოქროს მედლები მოიპოვეს გურამ პაპიტაშვილის სახელობის გორის კომპლექსური სპორტული სკოლის ძიუდოისტებმა: საბა საბაშვილმა (66 კგ.) და გიგი გიუნაშვილმა (73 კგ.).

მეორე ადგილებზე გამოვიდნენ ალეკო კასრაძე (73 კგ. გურამ პაპიტაშვილის სახელობის  კომპლექსური სპორტული სკოლა) და ზურაბ ჭიღლაძე (81 კგ. კლუბი „გორიჯვარი“).

მესამე ადგილები დაიკავეს საბა სამადაშვილმა (73 კგ. გურამ პაპიტაშვილის სახელობის  კომპლექსური სპორტული სკოლა), ვაჟა ავაზნელმა (81 კგ. კლუბი „გორიჯვარი“), კობა აკოფაშვილმა (81 კგ. გურამ პაპიტაშვილის სახელობის კომპლექსური სპორტული სკოლა), ლუკა ქარელიშვილმა (90 კგ. გურამ პაპიტაშვილის სახელობის კომპლექსური სპორტული სკოლა), ლაშა მღებრიშვილმა (+100 კგ. გურამ პაპიტაშვილის სახელობის კომპლექსური სპორტული სკოლა).