ამერიკის შეერთებული შტატების პრეზიდენტმა დონალდ ტრამპმა ხელი მოაწერა ბრძანებებს, რომლის საფუძველზეც ცნობილი გახდა, რომ აშშ-ი დატოვებს გაეროს ადამიანის უფლებათა დაცვის უმაღლეს ორგანოს, „ადამიანის უფლებათა საბჭოს“ და ამასთან, გაეროს პალესტინელ ლტოლვილთა დახმარების სააგენტოს, UNRWA-ს დაფინანსებაზე უარს აცხადებს.

„UNRWA-ს ობიექტები არაერთხელ გამოიყენეს „ჰამასმა“ და სხვა ტერორისტულმა ჯგუფებმა იარაღის შესანახად და გვირაბების ასაგებად. აღმასრულებელი ბრძანება უკრძალავს შეერთებულ შტატებს დამატებითი დაფინანსება მიაწოდოს UNRWA-ს, რომელიც მუდმივად წარმოაჩენს თავს ანტისემიტად და ანტიისრაელელად, რასაც მოწმობს მისი თანამშრომლების რაოდენობა, რომლებიც ისრაელის წინააღმდეგ 7 ოქტომბრის საშინელ ტერორისტულ თავდასხმებში მონაწილეობდნენ“, - აღნიშნულია ინფორმაციაში, რომელსაც თეთრი სახლი ავრცელებს.

განცხადების მიხედვით, იგეგმება მთელი რიგი ორგანიზაციებისა და პროექტების გადახედვაც, მათ შორის, გაეროს განათლების, მეცნიერებისა და კულტურის ორგანიზაციაUNESCO-ს პროექტები.