გორის მუნიციპალიტეტში „სოფლის მხარდაჭერის პროგრამის“ ფარგლებში განსახორციელებელი პროექტების შერჩევის მიზნით, მოსახლეობასთან შეხვედრები გრძელდება.

ადგილობრივი ხელისუფლების წარმომადგენლები ხვალ, 6 თებერვალს, სკრის, ტინისხიდის, და ვარიანის ადმინისტრაციულ ერთეულებში ჩავლენ და სოფლების მოსახლეობას შეხვდებიან. პროექტების შერჩევის მიზნით, კონსულტაციები და საერთო კრებები სკრაში (12:00 სთ.), ბეთლემში (12:00 სთ.), ქვემო რიეთში (13:00 სთ.), კოშკებში (13:30 სთ.), პატარა გორიჯვარში (14:00 სთ), დიდ გორიჯვარში (14:30 სთ.), თედოწმინდაში (15:00 სთ.), არაშენდასა (15:30 სთ.) და ვარიანის მეურნეობაში (16:00 სთ.) გაიმართება. ადგილობრივები 2025 წელს განსახორციელებელ პროექტებს ხმათა უმრავლესობით შეარჩევენ.

შეგახსენებთ, ადგილობრივი ხელისუფლების წარმომადგენლები მუნიციპალიტეტის 30 სოფელში უკვე იმყოფებოდნენ და კონსულტაციები გამართეს.

პროგრამის ფარგლებში განსახორციელებელ პროექტებს მუნიციპალიტეტის 112 დასახლებულ პუნქტში შეარჩევენ და ყველა სოფელში 10 ათასიდან 20 ათას ლარამდე ღირებულების მცირე ინფრასტრუქტურული პროექტები დაფინანსდება.

2025 წელს გორის მუნიციპალიტეტისთვის 1 596 000 ლარია გამოყოფილი.

„სოფლის მხარდაჭერის პროგრამის“ ფარგლებში მოსახლეობასთან შეხვედრები 18 თებერვალს დასრულდება.