გორის მუნიციპალიტეტის სოფლებში სასმელი წყლის სისტემების მოწყობა-რეაბილიტაცია გრძელდება.

ადგილობრივმა თვითმმართველობამ შესაბამისი სამუშაოების შესყიდვის მიზნით, ტენდერები უკვე გამოაცხადა.

ერთ-ერთი სოფელი, სადაც სასმელი წყლის ახალი სისტემა მოეწყობა - ქვეშია.

ინფრასტრუქტურული პროექტის სავარაუდო ღირებულება 811 700 ლარია.

რაც შეეხება დაგეგმილ სამუშაოებს, პროექტის მიხედვით მოეწყობა ქსელი, ჭაბურღილი, სადაწნეო კოშკები და საქლორატორო.

შესაბამისი სამუშაოების დასრულების შემდეგ სასმელ წყალს 450 ოჯახი მიიღებს.