საყოველთაო ინტერნეტიზაციის სახელმწიფო პროგრამის ფარგლებში, ოპტიკური ქსელის მშენებლობის მიზნით, საპროექტო სამუშაოები გორის მუნიციპალიტეტის 17 სოფელში მიმდინარეობს.

პროექტთან დაკავშირებით, პროგრამის განმახორციელებელი კომპანიის - „ოუფენ ნეტი“ და ქსელის მშენებელი კომპანიის წარმომადგენლებმა გორის მერიის თანამშრომლებთან სამუშაო შეხვედრა გამართეს.

შეხვედრაზე ყველა ის მნიშვნელოვანი საკითხი განიხილეს, რომელიც ოპტიკური ქსელის მშენებლობის შეუფერხებლად განხორციელებას უზრუნველყოფს.

„პროექტის სამიზნე არეალში მოხვდა - აძვი, ახალშენი, ვარიანის მეურნეობა, ზემო რეხა, ზემო სობისი, თედოწმინდა, თერგვისი, მარანა, ნადარბაზევი, ნაწრეტი, სათბურის დასახლება, ქვემო ახალსოფელი, ქვემო შავშვები, ქორდი, ყელქცეული, შერთული, ციცაგიანთკარი. პროგრამის ფარგლებში დასრულებული პროექტების, მიმდინარე სამშენებლო არეალების და ქსელის ტექნიკური მონაცემების ნახვა შესაძლებელია „ოუფენ ნეტის" ციფრულ რუკაზე: maps . opennet . ge”, - აღნიშნულია გორის მერიის მიერ გავრცელებულ ინფორმაციაში.