გარემოს ეროვნული სააგენტოს ინფორმაციით, უახლოესი 5 დღის განმავლობაში, გორის მუნიციპალიტეტში მოსალოდნელია უნალექო ამინდი, 5 თებერვლიდან კი ნავარაუდევია ამინდის გაუარესება.

რაც შეეხება დეტალურ პროგნოზს, სინოპტიკოსების ცნობით, 31 იანვარს გორში ჰაერის მაქსიმალური ტემპერატურა +10 გრადუსს მიაღწევს, ღამის საათებში კი ნავარაუდევია - 1 გრადუსი ყინვა.

დღისით +9, ღამით კი -2 გრადუსია მოსალოდნელი გორში 1-ელ თებერვალს.

2, 3 და 4 თებერვალს კი, გორის მუნიციპალიტეტში სინოპტიკოსები ნაწილობრივ ღრუბლიან ამინდს და გორში დღისით +9, ღამის საათებში კი - 1 გრადუსს პროგნოზირებენ, რაც შეეხება მუნიციპალიტეტის მაღალი ზონის სოფლებს, აღნიშნული დღეების განმავლობაში მოსალოდნელია დღისით +5, ღამით კი - 6 გრადუსი.

5 თებერვლიდან მუნიციპალიტეტში მოსალოდნელია ამინდის გაუარესება.

5 თებერვალს, მთელი დღის განმავლობაში, ნავარაუდევია ღრუბლიანობა დღის მეორე ნახევარში მცირე ნალექით, ჰაერი კი დღისით +7 გრადუსამდე გათბება.

მთელი დღის განმავლობაში თოვლჭყაპია მოსალოდნელი გორში 6 თებერვალს, ჰაერის მაქსიმალური ტემპერატურა კი მხოლოდ +3 გრადუსს მიაღწევს.

+2 გრადუსი და თოვლჭყაპია ნავარაუდევი გორში 7 და 8 თებერვალს, ღამის საათებში კი მოსალოდნელია - 1 გრადუსი ყინვა.