გორის მუნიციპალიტეტის სოფლებში სასმელი წყლის სისტემების მოწყობა-რეაბილიტაცია გრძელდება.

ადგილობრივმა თვითმმართველობამ შესაბამისი სამუშაოების შესყიდვის მიზნით, ტენდერები უკვე გამოაცხადა.

სოფლების ჩამონათვალს შორის, სადაც აღნიშნული ინფრასტრუქტურული პროექტების განხორციელება იგეგმება, აძვი და ერგნეთია.

რაც შეეხება შესასრულებელ სამუშაოებს, აძვში მცხოვრები162 ოჯახის სასმელი წყლით უზრუნველსაყოფად მოეწყობა ჭაბურღილი, სადაწნეო კოშკები (2 ერთეული), საქლორატორო, დამონტაჟდება მრიცხველები და სანიტარული ღობე. პროექტის ღირებულება 563 000 ლარია.

ადგილობრივ თვითმმართველობას 381 125 ლარი აქვს გათვლილი ერგნეთში 2 საქლორატოროს მოსაწყობად. პროექტის განხორციელება190 ოჯახისთვის უზრუნველყობს წყლის მიწოდებას.

შესაბამისი სამუშაოების შესყიდვის მიზნით გამოცხადებულ ელექტრონულ ტენდერში მონაწილეებს კი, წინადადებების შეთავაზება 6-დან 11 თებერვლის ჩათვლით შეეძლებათ.