გორის მუნიციპალიტეტის მერიისა და საერთაშორისო ასოციაცია „საქართველოს ქალები მშვიდობისა და სიცოცხლისათვის“ აქტიური თანამშრომლობით, გორის მუნიციპალიტეტში მცხოვრებ 30 შშმ პირს ეტლი გადაეცა.

ადგილობრივი თვითმმართველობის ცნობით, ბენეფიციართა შორის სხვადასხვა ასაკის ეტლით მოსარგებლე პირები, მათ შორის ბავშვებიც არიან. დამხმარე მოწყობილობის შერჩევისას მაქსიმალურად იყო გათვალისწინებული მომხმარებელების ინდივიდუალური საჭიროებები.

„ეტლების გადაცემის პროცესს ადგილობრივი ხელისუფლების, ორგანიზაციის „საქართველოს ქალები მშვიდობისა და სიცოცხლისათვის“ რეგიონალური წარმომადგენლები და უხცოელი დონორები ესწრებოდნენ.

„გორის მუნიციპალიტეტის და საერთაშორისო ასოციაცია „საქართველოს ქალები მშვიდობისა და სიცოცხლისათვის“ აქტიური თანამშრომლობის შედეგად, 2012 წლიდან დამხმარე მოწყობილობები მუნიციპალიტეტში მცხოვრებ 600-ზე მეტ შშმ პირს გადაეცა.

სავარძელ-ეტლებით რეგიონში, დღემდე, 800-მდე სპეციალური საჭიროების მქონე პირია უზრუნველყოფილი“, - აცხადებენ გორის მერიაში.